“Снег і яго ўласцівасці” Канспект занятку па эксперыментальнай дзейнасці дзяцей старшага дашкольнага ўзросту
“Снег і яго ўласцівасці”
Канспект занятку па эксперыментальнай дзейнасці дзяцей старшага дашкольнага ўзросту
Праграмныя задачы:
- Фарміраваць уяўленні пра снег яго якасці і уласцівасці.
- Фарміраваць навыкі самастойнага абследвання уласцівасцяў снегу; аналізаваць, рабіць высновы ў працэсе эксперыментавання.
- Развіваць цікавасць да ўтоеных уласцівасцей і якасцей снегу. 4.Выхоўваць цікавасць да даследчай дзейнасці
Матэрыялы і абсталяванне: лапаткі, вядзерцы, лупы, чорная аксамітная папера, круцёлкі, дзве бутэлькі з цёплай вадой, чорная тканіна, шклянкі.
Папярэдняя праца: назіранне за снегам на прагулцы, чытанне вершаў і апавяданняў пра зіму, загадванне загадак.
Ход заняткаў
Арганізацыйны момант
Дзеці зараз я вам загадаю загадкі. Калі вы іх адгадаеце, то зможаце даведацца, аб чым мы будзем гаварыць сёння.
Белы, мяккі і пушысты
Ен укрыў зямлю усю чыста
Я прынёс яго ў дом
Ён разліўся ручаём. (Снег)
А вось адгадайце маю наступную загадку
Ляцяць птушкі без крыл
На зямлю садзяцца без ног (Сняжынка)
А што такое снег? Сняжынкі
- Як утвараюцца сняжынкі? Зараз я вам раскажу.
З мораў і акіянаў вадзяны пар падымаецца высока ў неба, дзе заўсёды-летам і зімой-вельмі холадна. Там, на вышыні, пар замярзае ў маленечкія ледзяныя крышталікі. Потым крышталікі злучаюцца ў прыгожыя шасцікутныя зорачкі-сняжынкі. Мільёны сняжынак ўтвараюць снежную хмару. З гэтай хмары сняжынкі падаюць на зямлю.
Зараз мы правядзём вопыт.
Вопыт “Чаму снег лёгкі”?
Прапанаваць дзецям паназіраць, як кружыцца і падае снег. Хай дзеці зграбуць снег, а затым вядзерцамі носяць яго ў кучу для горкі. Дзеці адзначаюць, што вядзерцы са снегам вельмі лёгкія, а летам яны насілі ў іх пясок, і ён быў цяжкім. У чым справа? Затым дзеці разглядаюць шматкі снегу, якія падаюць на чорную аксамітную паперу, праз лупу. Яны бачаць, што гэта асобныя сняжынкі счэпленыя разам. А паміж сняжынкамі-паветра, таму, снег пухнаты і яго так лёгка падняць.
Выснова. Снег лягчэй пяску, так як ён складаецца з сняжынак, паміж якімі шмат паветра. Дзеці дапаўняюць з асабістага вопыту, называюць, што цяжэй снегу: вада, зямля, пясок і многае іншае.
Дзеці мы з вамі не раз назіралі за сняжынкамі і заўважалі, што яны бываюць розныя ў залежнасці ад стану надвор’я. Давайце вызначым у чым тут справа.
Вопыт “Дзе падзеліся праменьчыкі”?
Дзеці назіраюць за ветрам. Адзначаюць яго сілу і кірунак пры дапамозе круцёлак. Спытаць у дзяцей, як яны думаюць, ці ўплывае гэта на сняжынкі, якія цяпер падаюць. Дзеці выказваюць свае здагадкі.
Выхавальнік прапануе разгледзець іх на чорным палатне, праз лупу.
Выснова. Сняжынкі вельмі дробныя і ў іх няма праменьчыкаў, яны паламаліся з-за моцнага ветру. Па гэтай жа прычыне ў моцны мароз мы чуем скрып пры хадзьбе, гэта ламаюцца праменьчыкі сняжынак.
У народзе кажуць “Калі зімой шмат снегу, то ўлетку будзе шмат хлеба”,
“Снег укрывае зямлю цёплай коўдрай”
Як вы думаеце чаму так кажуць? Давайце ў гэтым упэўнімся самі.
Вопыт “Ці праўда, што снег грэе”?
Раскапваем снег на агародзе і паглядзім, як адчувае сябе там цыбуля. Расліна не загінула, яна проста заснула. Каб яшчэ больш упэўніцца ў тым што снег грэе, давайце правядзём яшчэ адно даследванне.
Перад прагулкай налілі у дзве аднолькавыя бутэлькі цёплую ваду і закрылі іх. Прапанаваць дзецям памацаць іх і пераканацца ў тым, што ў іх абедзвюх вада цёплая. Затым на ўчастку адну з бутэлек ставяць на адкрытае месца, іншую закопваюць у снег. У канцы прагулкі абедзве бутэлькі ставяць побач і параўноўваюць, у якой вада астыла больш, высвятляюць, у бутэльцы на паверхні з'явіўся лядок, яна стала зусім халоднай, а ў другой бутэльцы вада астыла менш.
Выснова. Пад снежным покрывам расліны не вымярзаюць, і у бутэльцы пад снегам вада астыла менш, значыць, снег захоўвае цяпло і не дае раслінам загінуць ад марозу, хоць сам халодны.
Гульня “Баба–снегавуха”
Дзеці, а ці можна есці снег? (Не).
Чаму? (Таму, што ён халодны)
А можа яго яшчэ нельга есці таму што ён брудны?
Давайце ў гэтым упэўнімся.
Вопыт “Даследаванне чысціні снегу”
Набраць снег у шклянкі на розных участках нашай пляцоўкі і паставіць у групе, няхай ён растане і параўнаць, дзе снег больш брудны, растлумачыць чаму?
Выснова. Ва ўсіх шклянках вада брудная, але па–рознаму.
Рэфлексія
Дзеці, што новага вы сёння дазналіся пра снег?
- Снег лёгкі, так як ён складаецца з сняжынак, паміж якімі шмат паветра.
- Форма і памер сняжнынак залежыць ад стану надвор’я.
- Снег грэе зямлю і расліны..
- Снег брудны.
Спіс выкарыстаных крыніц
Дубініна, Д.М. Родная прырода ў вуснай народнай творчасці: дапаможнік для педагогаў устаноў дашк. Адукацыі / Д.М. Дубініна, А.А.Страха, Д.У.Дубінін. – Мазыр: Белы Вецер, 2014–2016.
Понаморёва Л.С. Экспериментальная работа в детском саду/ Л.С. Понаморёва. – Мозырь “Содействие”, 2007.