Ва ўстанове дашкольнай адукацыі прайшлі мерапрыемствы да Дня роднай мовы. Аформлена выстава твораў беларускіх пісьменнікаў “Сэрцам роднага слова краніся”, памятка для бацькоў “Роднай мовы гук чароўны”.

           Выхаванцы з задавальненнем перакладалі словы на родную мову  ў дыдактычнай  гульні  “Скажы па-беларуску”, чыталі вершы, гулялі ў беларускія народныя гульні “Па грыбы, “Кот і мышы”, “Лапаточкі”, спявалі песні на беларускай мове.

            Асабліва спадабалася  выхаванцам  сустрэча з удзельнікамі гуртка бытавога народнага танца пры Языльскім ЦКіА “Таньчым па-даўнейшаму”, якія пазнаёмілі дзяцей з бытавымі народнымі танцамі “Падыспань”, “Месяц”.